البارحة بليل رحت للبقال اللي يم بيتنه حته اتسوك لباجر (فقط مادتين اللحم والجبن الابيض) ,
اشوفلك الشارع ازدحام بالسيارات للستار ...!!! كلت شكو ؟
المهم رحت للأسواق ودخلت عند القصاب شفت القصاب هستوه امعلك لشه مال طلي وتقطر دم , كلت للقصاب , (بالكردي طبعاً) كاكا انطيني كيلو لحم غنم , كال :- كاكا هاي اللشه كلهه مبيوعة ؟؟؟؟
اتعجبت لأن دائماً الكه لحم والناس ما تشتري لأن وضع السوك تعبان ,
زين ...طبيت جوه للأسواق ,اشوفلك ألأمة مكلوبة جوه , الجهال و الانسات و الرياجيل, والنسوان ....وصايرتلك فلك!
اريد احجي وية البايع ما أكدر
المهم جبن ابيض ماكو ! اشتريت من هاي الكلاصات مال الجبن.
من دا افع فلوس ماكو مجال .... وفد مرية بالاربعينات جنهه ثور !
لابسه دشداشة (من هاي اللي بيهه ورد اصغير ) خاكية وفوكاهه عباية
وفاتحة العباية و مدندله بطنهه و صدرهه ,
فرفعت اشويمن قماش الدشداشة و حطته جوه صدرهه اللي مدندل !!!!!!
وكالت للبايع:- كاكا اريد جوز جوز !
تريد تتزوهر جوز عالسحور ......اتصورو
المهم دفعت الفلوس مال الجبن ,
ورجعت للقصاب , كتله كاكه هاذه لحم الهوش ابيش ؟(كلت ماكو غنم خلي نشتري لحم هوش)
كال:- اثنعش الف !!!!!!
حييييييييييل كلت . اشدعوه بثمانيه هوه !
اشتريت نص كيلو ورحت للبيت
واني أسب التجار و شنو بعد
رمضان........!!
2 comments:
الله يرحم حالكم يا اهل العراق
مرحبآ
شلونك اغاتي
المطر مانزل هلسنه !!ليش ما أصلون صلاه الاستسقاء لو الشيوخ ملتهين بلغف
هههه
اشكرك على المرور
احترامي
Post a Comment